ਯੂਪੀ ਦੇ ਗੋਰਖਪੁਰ ਵਿੱਚ ਇੱਕ ਲਾੜੇ ਨੇ ਵਿਆਹ ਦੇ ਆਖਰੀ ਸਮੇਂ ਲਾੜੀ ਨੂੰ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਜਦੋਂ ਲਾੜੇ ਨੇ ਵਿਆਹ ਤੋਂ ਇਨਕਾਰ ਕਰਨ ਦਾ ਕਾਰਨ ਦੱਸਿਆ ਤਾਂ ਸਾਰੇ ਹੈਰਾਨ ਰਹਿ ਗਏ। ਲਾੜਾ ਕਹਿਣ ਲੱਗਾ ਕਿ ਮੈਂ ਇਹ ਵਿਆਹ ਨਹੀਂ ਕਰਾਂਗਾ। ਮੈਨੂੰ ਮੇਰੇ ਪੈਸੇ ਵਾਪਸ ਚਾਹੀਦੇ ਹਨ। ਮਾਮਲਾ ਉਦੋਂ ਵਧ ਗਿਆ ਜਦੋਂ ਲਾੜੀ ਵਾਲੇ ਨੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਦੋਵਾਂ ਧਿਰਾਂ ਵਿਚਾਲੇ ਬਹਿਸ ਸ਼ੁਰੂ ਹੋ ਗਈ। ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ ਜਿਸ ਤੋਂ ਬਾਅਦ ਦੋਵੇਂ ਧਿਰਾਂ ਦੇ ਲੋਕਾਂ ਨੂੰ ਥਾਣੇ ਲਿਆਂਦਾ ਗਿਆ। ਫਿਲਹਾਲ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।
ਦਸ ਦੇਈਏ ਕਿ ਮਾਮਲਾ ਚੌਰੀਚੌਰਾ ਇਲਾਕੇ ਦਾ ਹੈ। ਹਰਿਆਣਾ ਦਾ ਰਹਿਣ ਵਾਲਾ ਇੱਕ ਪਰਿਵਾਰ ਆਪਣੇ ਲੜਕੇ ਦਾ ਵਿਆਹ ਕਰਵਾਉਣਾ ਚਾਹੁੰਦਾ ਸੀ। ਉਸ ਨੇ ਚੌਰੀਚੌਰਾ ਦੀ ਇੱਕ ਔਰਤ ਨਾਲ ਰਿਸ਼ਤੇ ਲਈ ਸੰਪਰਕ ਕੀਤਾ। ਔਰਤ ਨੇ ਉਸ ਨੂੰ ਰਿਸ਼ਤੇ ਬਾਰੇ ਦੱਸਿਆ ਤੇ ਕਿਹਾ ਕਿ ਲੜਕੀ ਦਾ ਪਰਿਵਾਰ ਗਰੀਬ ਹੈ ਅਤੇ ਉਨ੍ਹਾਂ ਕੋਲ ਇੰਨੇ ਪੈਸੇ ਨਹੀਂ ਹਨ ਕਿ ਉਹ ਵਿਆਹ ਦਾ ਖਰਚਾ ਚੁੱਕ ਸਕਣ। ਮੁੰਡੇ ਨੇ ਕੁੜੀ ਦੀ ਤਸਵੀਰ ਦੇਖੀ ਜੋ ਕਿ ਉਸ ਨੂੰ ਪਸੰਦ ਆ ਗਈ। ਇਸ ਲਈ ਲੜਕੇ ਨੇ ਕਿਹਾ ਕਿ ਵਿਆਹ ਦਾ ਖਰਚਾ ਉਹ ਖੁਦ ਚੁੱਕਣਗੇ।
ਫਿਰ ਲੜਕੇ ਨੇ ਲੜਕੀ ਦੇ ਪਰਿਵਾਰ ਨੂੰ ਵਿਆਹ ਲਈ ਪੈਸੇ ਦੇ ਦਿੱਤੇ। ਇਸ ਤੋਂ ਬਾਅਦ ਬਰਾਤ 16 ਜੂਨ ਨੂੰ ਚੌਰਾਚੌਰੀ ਪਹੁੰਚੀ। ਹਰ ਕੋਈ ਖੁਸ਼ ਸੀ। ਲਾੜਾ ਆਪਣੀ ਲਾੜੀ ਦੀ ਉਡੀਕ ਕਰ ਰਿਹਾ ਸੀ। ਦੁਲਹਨ ਨੇ ਘੁੰਢ ਕੱਢਿਆ ਹੋਇਆ ਸੀ। ਦੋਵੇਂ ਇਕੱਠੇ ਮੰਡਪ ‘ਤੇ ਬੈਠ ਗਏ। ਪੰਡਿਤ ਉਨ੍ਹਾਂ ਨੂੰ ਸੱਤ ਫੇਰੇ ਲੈਣ ਲਈ ਕਹਿਣ ਹੀ ਵਾਲਾ ਸੀ ਕਿ ਲਾੜੇ ਦੀ ਨਜ਼ਰ ਲਾੜੀ ਦੇ ਚਿਹਰੇ ‘ਤੇ ਗਈ। ਉਸ ਦਾ ਚਿਹਰਾ ਦੇਖਦੇ ਹੀ ਲਾੜਾ ਗੁੱਸੇ ‘ਚ ਆ ਗਿਆ। ਉਹ ਝੱਟ ਉਠਿਆ ਅਤੇ ਕਿਹਾ ਕਿ ਉਹ ਇਸ ਨਾਲ ਵਿਆਹ ਨਹੀਂ ਕਰੇਗਾ।
ਲਾੜੇ ਦੀ ਗੱਲ ਸੁਣ ਕੇ ਦੋਵੇਂ ਪਾਸੇ ਦੇ ਲੋਕ ਹੈਰਾਨ ਰਹਿ ਗਏ। ਕਾਰਨ ਪੁੱਛਣ ‘ਤੇ ਲਾੜੇ ਨੇ ਕਿਹਾ ਕਿ ਉਹ ਲੜਕੀ ਨਹੀਂ ਸੀ ਜਿਸ ਦੀ ਫੋਟੋ ਮੈਨੂੰ ਦਿਖਾਈ ਗਈ ਸੀ। ਇਹ ਇੱਕ ਵੱਖਰੀ ਕੁੜੀ ਹੈ। ਇਸ ਦਾ ਰੰਗ ਪੱਕਾ ਹੈ। ਮੈਂ ਇਹ ਵਿਆਹ ਨਹੀਂ ਕਰਾਂਗਾ। ਮੈਨੂੰ ਮੇਰੇ ਪੈਸੇ ਵਾਪਸ ਚਾਹੀਦੇ ਹਨ। ਲਾੜੀ ਦੇ ਪੱਖ ਨੇ ਲਾੜੇ ਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਕਿਹਾ ਕਿ ਤੁਸੀਂ ਲੋਕਾਂ ਨੇ ਸਾਡੇ ਨਾਲ ਧੋਖਾ ਕੀਤਾ ਹੈ।
