Zomato, Swiggy ਵਰਗੀਆਂ ਬਹੁਤ ਸਾਰੀਆਂ ਫੂਡ ਡਿਲੀਵਰੀ ਐਪਸ ਲਗਭਗ ਹਰ ਮੋਬਾਈਲ ਫੋਨ ਵਿੱਚ ਦਿਖਾਈ ਦਿੰਦੀਆਂ ਹਨ। ਅਜਿਹਾ ਇਸ ਲਈ ਵੀ ਹੈ ਕਿਉਂਕਿ ਇਸ ਦੀ ਮਦਦ ਨਾਲ ਮਨਪਸੰਦ ਰੈਸਟੋਰੈਂਟ ਦਾ ਖਾਣਾ ਇਕ ਕਲਿੱਕ ਨਾਲ ਸਿੱਧਾ ਘਰ ਵਿਚ ਪਲੇਟ ਵਿਚ ਪਹੁੰਚਾਇਆ ਜਾ ਰਿਹਾ ਹੈ। ਹੁਣ ਇਸ ਪ੍ਰਕਿਰਿਆ ਨੂੰ ਪੂਰਾ ਕਰਨ ‘ਚ ਸਭ ਤੋਂ ਵੱਡੀ ਭੂਮਿਕਾ ਡਿਲੀਵਰੀ ਬੁਆਏ ਨਿਭਾਉਂਦੇ ਹਨ, ਜੋ ਰੈਸਟੋਰੈਂਟ ਤੋਂ ਤੁਹਾਡੇ ਘਰ ਖਾਣਾ ਲੈ ਕੇ ਆਉਂਦੇ ਹਨ। ਵੱਡਾ ਸਵਾਲ ਇਹ ਹੈ ਕਿ ਇਹ ਡਿਲੀਵਰੀ ਬੁਆਏ ਕਿੰਨੀ ਕਮਾਈ ਕਰਦੇ ਹਨ ਜੋ ਸਾਰਾ ਦਿਨ ਸ਼ਹਿਰ ਵਿੱਚ ਘੁੰਮਦੇ ਹਨ?
ਕੁਝ ਦਿਨ ਪਹਿਲਾਂ ਫੁਲ ਡਿਸਕਲੋਜ਼ਰ ਨਾਂ ਦੇ ਯੂ-ਟਿਊਬ ਚੈਨਲ ਨੇ ਕੁਝ ਅਜਿਹੇ ਹੀ ਡਿਲੀਵਰੀ ਬੁਆਏਜ਼ ਨਾਲ ਗੱਲਬਾਤ ਕੀਤੀ ਸੀ। ਗੱਲਬਾਤ ਦੌਰਾਨ ਜਦੋਂ ਤਨਖਾਹ ਜਾਂ ਕਮਾਈ ਦਾ ਮੁੱਦਾ ਆਇਆ ਤਾਂ ਆਸ-ਪਾਸ ਖੜ੍ਹੇ ਲੋਕ ਵੀ ਭੰਬਲਭੂਸੇ ਵਿੱਚ ਪੈ ਗਏ। ਜਦੋਂ ਇਹ ਸਵਾਲ ਪੁੱਛਿਆ ਗਿਆ ਕਿ ਉਹ ਕਿੰਨੀ ਕਮਾਈ ਕਰਦੇ ਹਨ ਤਾਂ ਜਵਾਬ ਆਇਆ, ‘1500-2000 ਇਕ ਦਿਨ ‘ਚ ਆਸਾਨੀ ਨਾਲ ਕਮਾ ਲਏ ਜਾਣਗੇ। ਫਿਰ ਦੱਸਿਆ ਕਿ ਇੱਕ ਹਫ਼ਤੇ ਵਿੱਚ 10,000-12 ਹਜ਼ਾਰ ਰੁਪਏ ਦੀ ਕਮਾਈ ਹੋ ਹੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਡਿਲੀਵਰੀ ਬੁਆਏ ਨੇ ਦੱਸਿਆ ਕਿ 40 ਤੋਂ 50 ਹਜ਼ਾਰ ਪ੍ਰਤੀ ਮਹੀਨਾ ਪੱਕਾ ਹੀ ਬਣ ਜਾਂਦਾ ਹੈ।
ਇੰਨਾ ਹੀ ਨਹੀਂ ਉਸ ਨੇ ਫੋਨ ‘ਤੇ ਕਮਾਈ ਦਾ ਸਬੂਤ ਵੀ ਦਿੱਤਾ। ਇਕ ਹੋਰ ਡਿਲੀਵਰੀ ਬੁਆਏ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਉਹ ਟਿਪਸ ਤੋਂ ਲਗਭਗ 5 ਹਜ਼ਾਰ ਰੁਪਏ ਕਮਾ ਲੈਂਦਾ ਹੈ ਅਤੇ ਜੇਕਰ ਉਹ ਬਰਸਾਤ ਦੇ ਮੌਸਮ ਵਿਚ ਡਲਿਵਰੀ ਕਰਦਾ ਹੈ ਤਾਂ ਉਸ ਨੂੰ ਜਿਆਦਾਬ ਬੋਨਸ ਮਿਲਦਾ ਹੈ। ਖਾਸ ਗੱਲ ਇਹ ਹੈ ਕਿ ਕਈ ਪਲੇਟਫਾਰਮਾਂ ‘ਤੇ ਰਾਸ਼ੀ ਪਹਿਲਾਂ ਤੋਂ ਹੀ ਤੈਅ ਹੁੰਦੀ ਹੈ। ਹਾਲਾਂਕਿ, ਜੇਕਰ ਡਿਲੀਵਰੀ ਲੰਬੀ ਦੂਰੀ ‘ਤੇ ਹੁੰਦੀ ਹੈ, ਤਾਂ ਪਲੇਟਫਾਰਮ ‘ਤੇ ਫੀਸ ਵੀ ਵਧਾ ਦਿੱਤੀ ਜਾਂਦੀ ਹੈ।
