ਰਾਜਸਥਾਨ ਦੀ ਲੇਡੀ ਡੌਨ ਵਜੋਂ ਜਾਣੀ ਜਾਂਦੀ ਅਨੁਰਾਧਾ ਚੌਧਰੀ ਤੇ ਹਰਿਆਣਾ ਦੇ ਗੈਂਗਸਟਰ ਕਾਲਾ ਜਠੇੜੀ ਅੱਜ ਵਿਆਹ ਦੇ ਬੰਧਨ ਵਿੱਚ ਬੱਝ ਰਹੇ ਹਨ। ਲਾੜਾ-ਲਾੜੀ ਦੋਵੇਂ ਵਿਆਹ ਵਾਲੀ ਥਾਂ ‘ਤੇ ਪਹੁੰਚ ਚੁੱਕੇ ਹਨ। ਦੋਵਾਂ ਦੇ ਵਿਆਹਾਂ ‘ਤੇ ਪੂਰੇ ਬੈਂਕੁਏਟ ਹਾਲ ‘ਚ ਪੁਲਿਸ ਵਾਲੇ ਦਿਖਾਈ ਦਿੱਤੇ। ਵਿਆਹ ਦਾ ਸਥਾਨ ਦਵਾਰਕਾ, ਦਿੱਲੀ ਵਿੱਚ ਹੈ। ਕਾਲਾ ਸਿਰਫ ਛੇ ਘੰਟੇ ਦੀ ਜ਼ਮਾਨਤ ‘ਤੇ ਤਿਹਾੜ ਜੇਲ੍ਹ ਤੋਂ ਬਾਹਰ ਆਇਆ ਹੈ। ਅਦਾਲਤ ਨੇ ਉਸ ਨੂੰ ਵਿਆਹ ਲਈ ਪੈਰੋਲ ਦਿੱਤੀ ਸੀ। ਗੈਂਗਵਾਰ ਦੇ ਡਰ ਨੂੰ ਦੇਖਦੇ ਹੋਏ ਇਸ ਵਿਆਹ ‘ਤੇ ਪੁਲਿਸ ਪੂਰੀ ਤਰ੍ਹਾਂ ਤਾਇਨਾਤ ਹੈ। ਹਰ ਪਾਸੇ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਹਨ। ਡੌਗ ਸਕੁਐਡ ਟੀਮ ਵੀ ਮੌਕੇ ‘ਤੇ ਪਹੁੰਚੀ ਹੈ। ਆਉਣ ਵਾਲੇ ਹਰ ਮਹਿਮਾਨ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਦਸ ਦੇਈਏ ਕਿ ਕਾਲਾ ਅਤੇ ਅਨੁਰਾਧਾ ਚਾਰ ਸਾਲਾਂ ਤੋਂ ਪ੍ਰੇਮ ਸਬੰਧਾਂ ਵਿੱਚ ਹਨ। ਵਿਆਹ ਤੋਂ ਬਾਅਦ ਅਨੁਰਾਧਾ ਪਰਿਵਾਰ ਨਾਲ ਚਲੀ ਜਾਵੇਗੀ। ਉਹ ਪਹਿਲਾਂ ਹੀ ਜ਼ਮਾਨਤ ‘ਤੇ ਹੈ। ਪੁਲਿਸ ਮੁਤਾਬਕ ਅਨੁਰਾਧਾ ਤਲਾਕਸ਼ੁਦਾ ਹੈ। ਸਾਲ 2006 ਵਿੱਚ ਉਹ ਸ਼ੇਖਾਵਤੀ ਕਾਲਜ, ਸੀਕਰ ਦੇ ਲੈਕਚਰਾਰ ਫੈਲਿਕਸ ਦੀਪਕ ਨੂੰ ਮਿਲੀ। ਦੋਵਾਂ ਨੇ ਮਈ 2007 ‘ਚ ਵਿਆਹ ਕੀਤਾ ਸੀ ਪਰ 2013 ‘ਚ ਵੱਖ ਹੋ ਗਏ।
