ਸ਼ੇਅਰ ਬਾਜ਼ਾਰ ਦੀ ਇੱਕਦਮ ਫਲੈਟ ਸ਼ੁਰੂਆਤ ਹੋਈ ਹੈ ਪਰ ਤੁਰੰਤ ਰਿਕਾਰਡ ਉੱਚਾਈ ‘ਤੇ ਆ ਗਿਆ ਹੈ। ਬੀਐਸਈ ਸੈਂਸੈਕਸ ਪਹਿਲੀ ਵਾਰ 85300 ਦੇ ਲੈਵਲ ਨੂੰ ਪਾਰ ਕਰ ਲਿਆ ਹੈ। NSE ਨਿਫਟੀ 26,056 ‘ਤੇ ਪਹੁੰਚ ਗਿਆ ਹੈ ਅਤੇ ਇਹ ਇਸ ਦਾ ਲਾਈਫਟਾਈਮ ਹਾਈ ਲੈਵਲ ਹੈ। BSE ਸੈਂਸੈਕਸ 85,372.17 ਦੇ ਇਤਿਹਾਸਕ ਸਿਖਰ ‘ਤੇ ਪਹੁੰਚ ਗਿਆ ਹੈ। ਅੱਜ ਆਈਟੀ ਸ਼ੇਅਰਾਂ ‘ਚ ਮਾਮੂਲੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਸਟਾਕ ਮਾਰਕੀਟ ‘ਚ ਅੱਜ ਵੱਖ-ਵੱਖ ਤਰ੍ਹਾਂ ਨਾਲ ਕਾਰੋਬਾਰ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਸ਼ੁਰੂਆਤੀ ਦੌਰ ‘ਚ ਬੀ.ਐੱਸ.ਈ. ਦਾ ਸੈਂਸੈਕਸ ਲਗਭਗ 160 ਅੰਕ ਚੜ੍ਹਿਆ ਸੀ, ਪਰ ਖੁੱਲ੍ਹਣ ਤੱਕ ਇਹ ਗਿਰਾਵਟ ਦੇ ਖੇਤਰ ‘ਚ ਆ ਗਿਆ। ਇਸ ਦੇ ਨਾਲ ਹੀ, ਨਿਫਟੀ ਪ੍ਰੀ-ਓਪਨਿੰਗ ‘ਚ ਤੇਜ਼ੀ ਦੇਖੀ ਜਾ ਰਹੀ ਸੀ ਅਤੇ ਖੁੱਲਣ ਤੋਂ ਬਾਅਦ ਇਹ ਰਿਕਾਰਡ ਹਾਈ ਯਾਨੀ 26,051.30 ‘ਤੇ ਪਹੁੰਚ ਗਿਆ।
ਬੀਐੱਸਈ ਸੈਂਸੈਕਸ ‘ਚ 16 ਸ਼ੇਅਰਾਂ ‘ਚ ਵਾਧਾ ਦਰਜ ਕੀਤਾ ਗਿਆ ਹੈ ਅਤੇ ਸਭ ਤੋਂ ਜ਼ਿਆਦਾ ਵਾਧਾ ਮਾਰੂਤੀ, ਟਾਟਾ ਮੋਟਰਜ਼, ਨੇਸਲੇ ਅਤੇ ਆਈਟੀਸੀ ਦੇ ਸ਼ੇਅਰਾਂ ‘ਚ ਦੇਖਿਆ ਜਾ ਰਿਹਾ ਹੈ। NSE ਦੇ ਨਿਫਟੀ ‘ਚ 50 ‘ਚੋਂ 28 ਸ਼ੇਅਰਾਂ ‘ਚ ਤੇਜ਼ੀ ਅਤੇ 22 ਸ਼ੇਅਰਾਂ ‘ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਬੈਂਕ ਨਿਫਟੀ 16.60 ਅੰਕਾਂ ਦੇ ਵਾਧੇ ਨਾਲ 54,118.25 ‘ਤੇ ਕਾਰੋਬਾਰ ਕਰ ਰਿਹਾ ਹੈ। 8 ਸ਼ੇਅਰਾਂ ‘ਚ ਤੇਜ਼ੀ ਅਤੇ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਘਰੇਲੂ ਸ਼ੇਅਰ ਬਾਜ਼ਾਰ ‘ਚ ਅੱਜ ਸੈਂਸੈਕਸ 159.97 ਅੰਕ ਜਾਂ 0.19 ਫੀਸਦੀ ਦੇ ਵਾਧੇ ਨਾਲ 85329 ਦੇ ਪੱਧਰ ‘ਤੇ ਕਾਰੋਬਾਰ ਕਰ ਰਿਹਾ ਸੀ। NSE ਦਾ ਨਿਫਟੀ ਸਿਰਫ 8.90 ਫੀਸਦੀ ਦੀ ਗਿਰਾਵਟ ਨਾਲ 25995 ਦੇ ਪੱਧਰ ‘ਤੇ ਕਾਰੋਬਾਰ ਕਰ ਰਿਹਾ ਸੀ।
